Head Office

Lazimpat, Kathmandu, Nepal

10:00 AM - 5:00 PM (Sunday-Thursday)
10:00 AM - 2:00 PM (Friday)

01-4442646

01-4006648

977-1-4416427

info@nlgi.com.np

राप्तीसोनारी गाउँपालिकाको वार्ड नं ५ र ९मा बीमा सचेतना तथा घुम्ती बीमा कार्यक्रम सम्पन्न

13 June 2022

राप्तीसोनारी गाउँपालिकाको वार्ड नं ५ र ९मा बीमा सचेतना तथा घुम्ती बीमा कार्यक्रम सम्पन्न

एनएलजी इन्स्योरेन्स कम्पनीले बाँके जिल्लाको बैंक तथा बैंकिंग सेवाबाट वञ्चित राप्तीसोनारी गाउँपालिकाको वार्ड नं ५ र ९ मा बीमा सम्बन्धि छुट्टाछुट्टै छलफल कार्यक्रम एक समारोहका बीच सम्पन्न गरेको छ ।

वडा नं ५ मा भएको कार्यक्रमको प्रमुख आतिथ्यता उक्त वडाका वडा अध्यक्ष झगरु थारुले गरेका थिए भने वडा नं ९ मा भएको कार्यक्रमको प्रमुख आतिथ्यता उक्त वडाका वडा अध्यक्ष सोहनलाल थारुले गरेका थिए । दुबै कार्यक्रममा अगुवा कृषकहरु, विभिन्न सहकारीका प्रतिनिधिहरू, पशुपालनमा आबद्ध किसान तथा बीमा सेवाको जानकारी लिन चाहने विभिन्न सर्वसाधारणको उपस्थिति रहेको थियो ।

एनएलजी इन्स्योरेन्स कम्पनीको नेपालगन्ज क्षेत्रीय प्रमुख विवेक भण्डारीको अध्यक्षतामा भएको उक्त कार्यक्रममा बीमा सम्बन्धि जानकारी, छलफलमा उठेका जिज्ञासा तथा समस्याहरूको बारेमा एनएलजी इन्स्योरेन्सका चिफ कर्पोरेट मार्केटिङ बुद्ध प्रकाश सिंहले प्रकाश परेका थिए । साथै उनले बीमा सेवा तथा दाबी भुक्तानी प्रणालीलाई सर्वसुलभ र छिटो छरितो बनाउन कम्पनी जहिले पनि सकारात्मक रहेको बताएका थिए । कम्पनीले नाफा कमाउन भन्दा सर्वसाधारण जनताको समस्यामा सारथी बनेर राज्यप्रतिको दायित्व बोध स्थापनाकालदेखि गर्दै आएको बताए ।

उक्त दुवै कार्यक्रममा अतिथिको रुपमा रहेका वडा अध्यक्षहरुले स्थानीय सरकारले किसानहरूलाई लाभ पुग्ने गरी बीमा कम्पनीसंग सहकार्य गर्न इच्छुक रहेको जानकारी गराउँदै आगामी वर्षको बजेटमा यसलाई सम्बोधन गर्न आफ्नो तर्फबाट प्रयास गर्ने प्रतिबद्धता व्यक्त गरे ।

साथै पालिकाको विभिन्न स(साना वजार, टोल तथा किसानको घर घरमा पुगेर बीमा सम्बन्धि जानकारी गराई घुम्ती सेवा समेत प्रदान गरिएको थियो । यसरी घरदैलोमा आएर बीमा सम्बन्धि जानकारी तथा सेवा प्रदान गरेकोमा स्थानीय सरकारका प्रतिनिधि तथा सर्वसाधारण किसान र साना व्यवसायी सबैले एनएलजी इन्स्योरेन्स कम्पनीलाई धन्यवाद दिँदै फेरि पनि यस्ता कार्यक्रम ल्याउन आग्रह गरेका थिए ।

Calculator
Download
News and Update